Seta Zargulê ji sê pirtûkan pêk tê.

Dewrêşê Evdî

Dewrêşê Evdî, destaneka netewî û binavûdeng e. Malbata Celîlan di sala 1985an da berê xwe dide Efrînê, li wir ji devê Ehmedê Nasirê Şemê awayê herî kamil yê vê destanê qeyd dike. Zimanê zarbêjî û serwextbûna wî ya li ser destanê hêjayî pesinandinê ye.

Gotinên Pêşîyan Ji Xorasanê

Gotinên pêşîyan, pend û şîretên pêşîyên me ne ku ji jîyana wan, ji tecribeya wan nizilîne û ji me ra bûne mîrat. Di vê pirtûkê da nêzî 2000 gotinên pêşîyan yên Xorasanê tevî maneyên xwe hatine dayîn. Gulê Şadkamê bi salan ew yek bi yek ji nava gelî kom kirine.

Lîstikên Gundê Tizyanê

Di vê pirtûkê da 76 lîstikên gelêrî yên gundê Tizyanê hene. “Beqlê, Çingildas, Çirê, Devê gur, Hingulîsk, Kab, Malek tê tê, Qevzê, Xirak..” hin ji wan lîstikan in. Mem Mukrîyanî bi şêwra gelek kesan û bi rêgez û qayîde ev lîstik yek bi yek nivîsîne.